Home

Computer Science Institute Departments



پەیمانگەی زانستى کۆمپیوتەر
ئەم پەیمانگەیە بە پێی فەرمانی سەرۆكایەتی ئەنجومەنی وەزیرانی هەرێمی كوردستان ژمارە (205) لە 18/10/2003 دامەزراوە ، كە بۆ ساڵی خوێندنی 2003-2004 خوێندكاری وەرگرتووە .
لەهەمان ساڵدا ، بەفەرمانی سەرۆكایەتی دەستەی خوێندنی تەكنیكی ژمارە (3198) لە 11/12/2003 بەڕێز (مامۆستا ڕۆستم عزت گاهر) كرا بە ڕاگری پەیمانگە ، كەماوەی زیاتر لە (5) ساڵ ڕاگر بوو . پاشان بەڕێز (د.سۆران ابوبكر محمد) ئەو ئەركەی پێسپێراوهەتا 5/2/2019 وه  پشت بەستن بە فەرمانی سەرۆكایەتی زانكۆی پۆلیتەكنیكی سلیمانی /نوسینگەی بەڕێز سەرۆك ژمارە (202ن) لە 5/2/2019 بڕیاردرا بە دانانی (د.ئاراس عمر كریم) وە ڕاگری پەیمانگە وەبەخشینی (د.سۆران ئەبوبكرمحمد) .
لە 2/1/2004 خوێندن لە پەیمانگە دەستی پێكردووە سەرەتا (42)  خوێندكار بەپێی فۆرمی تایبەت و چاوپێكەوتن وەرگیراون . ئەم خوێندكارانەی كە وەرگیراون لە قۆناغی یەكەم تێكڕای نمرەكانیان لە 70% كەمتر نەبوو .
سەرەتای دەست پێكردنی خوێندن لەم پەیمانگەیەدا ، تەنها یەك بەش بوو ئەویش بەشی (سیستمەكانی داتا بەیس) بەبوو.
ماوەی خوێندن لەم پەیمانگەیەدا ، دووساڵە لە ئەنجامدا بڕوانامەی (دبلۆمی تەكنیكی) دەبەخشرێت بە دەرچووان لەبواری (داتا بەیس و نێتۆرك و ICT) پاش تەواو كردنی دوو مانگی مەشقی هاوینە لە فەرمانگە حكومی و ناحكومیەكاندا .
لە 12/10/2005 یەكەمین خولی دەرچووان جێ‌ بەجێكرا كە (39) خوێندكار بڕوانامەی دبلۆمی تەكنیكیان بە دەست هێنا لە هەمان بواردا .
لە 4/7/2006 بڕیاری كردنەوەی بەشێكی نوێ‌ درا لە پەیمانگەكەمان بەناوی (نێتۆرك) كە بۆ ساڵی خوێندنی 2006-2007 خوێندكاری وەرگرت.
لە 11/8/2010 بە فەرمانی دەستەی خوێندنی تەكنیكی سلێمانی ژمارە (354) لە (11/8/2010) بەشی (ICT) كرایەوە لە پەیمانگە بۆ ساڵی خوێندنی 2010-2011 خوێندكار وەردەگرێت و بەڕێز (مامۆستا محسین علی احمد) سەرۆكی ئەم بەشەبوو .

 ئامانجی پەیمانگە 
1. پەیمانگەی زانستی كۆمپیوتەر دەتوانێت ڕۆڵێكی گرنگ ببینێت لە پێناسە كردنی ڕۆڵی كۆمپیوتەر لە گەشەكردنی كۆمەڵگەی كوردستان هەروەها پێگەیاندنی پسپۆڕانی كۆمپیوتەر لە ئاستی بەرایی ، یان لە ئاستی خوێندنی تەكنیكی بۆ ئەوەی دوا ڕۆژ بتوانن ڕۆڵێكی گرنگ ببینن لە پێش خستنی دەزگاكانی حكومەتی هەرێمی كوردستان و نوێ‌ كردنەوەی شێوازی كارگێڕی و زانستی ئەو دەزگایانە بۆ بنیادنانی كۆمەڵگەیەكی پێشكەوتوو لە ڕێگەی پێگەیاندنی نەوەیەكی بەتوانا و شارەزا لەوبوارەدا .
2. هاندانی بەرپرسان ، بۆ پشتگیری كردنی ئەو هەوڵ و تەقەلایانەی كە ئێستا دەدرێت بۆ كردنەوەی خوێندنی تەكنیكی لە بواری كۆمپیوتەر لە داهاتوودا .
3. لیژنەی باڵای زانستی پەیمانگەكەمان هەڵدەستێت بە كردنەوەی خولی بەردەوام بۆ فیركردنی فەرمانبەرانی فەرمانگە حكومی و ناحكومی یەكان بە شێوەی گرێبەست ئەم خولەش بریتی یە لە پرۆسەی زانست خوازی بەردەوام Continuous Academic Development  كە تایبەتمەندی یەكی سەرەكی دڵنیای جۆری وانە بێژی   Teaching Quality Assuran  ، هەروەك فەرمانگە وكۆمپانیاكان  بەردەوام پەیوەندیمان پێوەدەكەن بۆ بەرزكردنەوەی ئاستی پراكتیكی و تیۆریان لە بوارە جیا جیاكانی كۆمپیوتەر بە پێیی پسپۆڕی فەرمانگەو كۆمپانیاكان .
      نوسینگەی ڕاوێژكاری پەیمانگە هەڵدەستێت بەم كارانەی خوارەوە :
4. دروست كردنی سیستەم بە زمانەكانی داتابەیس و زمانی تر ، كردنەوەی خولی فێربوونی كۆمپیوتەر بە هەموو ئاستەكانی یەوە وە پێدانی بڕوانامە بەهۆ بەستنی گرێبەست بە شێوەیەكی یاسای لەگەڵ كۆمپانیادەرەكی یەكان كەدەتوانن بڕوانامەی Certificate Of Attendance  لەگەڵ ICDL,Cisco بە دەست بهێنن .
5. ئامانجی سەرەكی پەیمانگەكەمان پێگەیاندنی كادری ناوەندی تەكنییكی لە بواری جۆر بەجۆرەكانی داتا بەیس و بەستنی شەبەكات و دروست كردنی ماڵپەری ئینتەرنێتی و گەیاندنی زانیاری لەڕێگەی تەكنەلۆجیاوە و هەروەها بازرگانی ئەلیكترۆنی .
6. خوێندكارانمان دەتوانن بەشداربن لە پرۆسەی بەرەو ئەلكترۆنی كردنی دام و دەزگاحكومیەكاندا .
7. هەروەها خوێندكارانمان دەتوانن مامۆستای وانەی كۆمپیوتەربن لە قوتابخانە بنەڕەتیەكان و خوێندگا ئامادەییەكان .  


بەشە زانستیەكانی  پەیمانگەی زانستى کۆمپیوتەر بریتین لە
1. بەشی داتابەیس
بە پێشنیاری ئەنجومەنی پەیمانگە لە ساڵی 2004 كراوەتەوە بۆ خوێندنی ساڵی 2003-2004 یەكەم جار ئەم بەشەی پەیمانگە (42) خوێندكاری وەرگرت .
خوێندكاری بەشی داتا بەیس دەبێت دوو قۆناغی خوێندن و مەشقی هاوینە تەواو بكەن بۆ ئەوەی بڕوانامەی دبلۆمی تەكنیكی بە دەست بهێنن، ئەم بەشەكادیرێكی مام ناوەندی پێدەگەیەنێت ، كەلەتوانایدایە لە هەموو دەزگا ڕەسمی و كۆمپانیاكاندا چالاكانە كاربكەن ، كەمتمانەیان لەسەر ئامارو ئەرشیف و شیكردنەوەی زانیاری هەیە ، بۆیە لە هەموو فەرمانگەكانی دەوڵەت لە پرۆژەی گرنگی بە كۆمپیوتەر كردنی سامان و زانیاری گەل و ووڵاتمان ڕۆڵی بەرچاویان دەبێت. ساڵی 2004-2005 یەكەمین خولی دەرچوو ، كە (39) خوێندكار بوون بڕوانامەی دبلۆمی تەكنیكی كۆمپیوتەریان پێبەخشرا ، وەلە بەرواری 2017/9/12 خاتوو (چرا علی كمال) وەك سەرۆك بەشی داتابەیس دەست بەكاربوە  .
  2 . بەشی نێتۆرك
ئەم بەشە دووەم بەشی پەیمانگەیە كەلەسەر پێشنیازی ئەنجومەنی پەیمانگە و ڕەزامەندی سەرۆكایەتی دەستەی خوێندنی تەكنیكی لە 2006/7/4 دامەزراوە . یەكەم ساڵی خوێندن لەم بەشەدا ساڵی 2006-2007 بوو كە خوێندكار لە ڕێی ناوەندی وەرگرتن (قبول المركزی) یەوە وەرگیرا .
ئەم بەشە ئەركی ئامادەكردنی كادری پێگەیشتوو پسپۆڕی زانستی و پراكتیكی لە بوارە جیا جیا كانی نه‌توۆرك  و دیزاینی وه‌بسته‌ و ئینتەرنێتدا ، بۆیە ئامادەكردن و پێگەیاندنی كادری ناوەند لەم بوارەدا ئامانجی  ئەم بەشەیە وەهەروەها پراكتیكی باشیان هەبێت لە نێتۆرك و ئینتەرنێت و دیزاینی ویب سایت دا . تابتوانن كارەكانی فەرمانگە جیاجیاكانی حكومەتی هەرێمی كوردستان لە بواری نێتۆركدا بگرنە دەست . خوێندكار پاش دوو ساڵی خوێندن و ئەنجامدانی مەشقی هاوینە بڕوانامەی (دبلۆم / هونەری) لە بواری نێتۆركدا پێدەبەخشرێت ، وە لە بەرواری2017/1/31 خاتوو (مها صباح سعید) وەك سەرۆك بەشی نێتۆرك دەست بەكاربوە  . 
3 . بەشی ICT
بەشی  ICT كە بەكورتی(Information and Communication Technology) دێت بە واتای تەكنەلۆجیای گەیاندن و زانیاریەكان ساڵی خوێندنی 2010-2011 بەفەرمانی كارگێڕی ژمارە 1056 لە 2012/8/12 كرایەوە و هەموو خوێندكارانی بە پێی ناوەندی وەرگرتن وەرگیران و ساڵی یەكەم (51) پەنجاویەك خوێندكار بەشداری خوێندن بوون . ئامانج لە كردنەوەی بەشی  جت فێركردن هونەری بەكار هێنان و پاراستن و چارەسەر كردنی كیشەكانی هەموو ئامێرە دیجتاڵیەكان و تۆڕەكانی كۆمپیوتەر و گەیاندن .
خوێندكاری دەرچوو لە توانایدایە بەشداریەكی چالاك بێت لە بڕیاردان لەسەر دامەزراندن و پاراستن و بەئەنجام گەیاندنی هەر گیرو گرفتێكی ئەلكترۆنی و گواستنەوەی زانیاریەكان لە ژینگە جیاوازەكانی فەرمانگە حكومی و سیكتەری گشتیدا .

خوێندنى بەیانیان

     1. بەشی داتابەیس
    2 . بەشی نێتۆرك
    3 . بەشی ICT


خوێندنى ئێوارن 

    1. بەشی داتابەیس
    2 . بەشی نێتۆرك














News,Events,Announcements ::هەواڵ و چالاکى و ئاگاداریەکان

  • Untitled Post ئێوارە خوانێك بۆ سەرجەم خوێندكارانی بەشەناوخۆییەكان سازكرالەسەر ئەركی خێرخوازێك و لەڕێگەی (بەڕێوەبەرایەتی بەشە ناوخۆییەكانی سەرۆكایەتی زانكۆی پۆلیتەكنیكی سلێمانی)ەوە، بەسەرپەرشتی بەشەناوخۆییەكانی پەیمانگەی زانستی كۆمپیوتەر ئێوارە خوانێك بۆ سەرجەم خوێندكارانی ...
    Posted Nov 12, 2019, 10:39 PM by media csi
  • Untitled Post بەوێنە ...بەڕێوەچوونی تاقیكردنەوەكانی پراكتیكی و تیۆری قۆناغی دووەم ساڵی خوێندنی (2020-2019)، (مید – تێرم)ی سمستەری سێیەم لە پەیمانگەگەمان.پەیمانگەی زانستی كۆمپیوتەرفێربوون بۆ كارپێكردن.بەڕێوەچوونی تاقیكردنەوەكان35 Photos
    Posted Nov 6, 2019, 12:40 AM by media csi
  • Untitled Post ەهەموو لایەك باشترین خزمەت بەخوێندكاران بگەیەنین لەڕووی زانستی و ئەكادیمیەوە و هیوایان خواست كە ئەم جۆرە لەپێشوازیكردنە وەك نەریتێكی باش بۆ بەخێرهاتنی خوێندكاران پەیڕەو بكرێت، دواتر خوێندكاران ئاشنا كران بە ...
    Posted Nov 6, 2019, 12:23 AM by media csi
  • Untitled Post ئاگاداری بۆ خوێندكارانی نوێی وەرگیراو لە پەیمانگەكەمان.وێڕای پیرۆزبایمان بەناوی ڕاگرایەتی و ستافی پەیمانگەوە خوێندكارانی نوێی وەرگیراو لە پەیمانگەكەمان بە سەرجەم سیستەمەكانی خوێندنی ( زانکۆلاین - پارالێڵ - ئێواران ) بۆ ساڵی نوێی خوێندنی ...
    Posted Nov 6, 2019, 12:05 AM by media csi
  • Untitled Post ‎ئامرازە دیجیتاڵیەکان لە بواری وانەوتنەوە و فێربوون‎. گرووپی تەکنەلۆجیا و دیجیتاڵ میدیا لە بواری پەروەردە، بەهاوكاری ڕاگرایەتی پەیمانگەی زانستی كۆمپیوتەر ۆرک شۆپێکی سازكردلە پەیمانگە بە ناونیشانی " ئامرازە دیجیتاڵیەکان لە بواری ...
    Posted Nov 6, 2019, 12:03 AM by media csi
  • Untitled Post كۆمەڵەی خوێندكارانی كوردستان بەهاوكاری ڕاگرایەتی پەیمانگەی زانستی كۆمپیوتەر چالاكیەكی ڕێكخست تایبەت بەپێشوازی هاوكاریكردنی خوێندكارانی قۆناغی یەكەم بۆ ساڵی نوێی خوێندنی 2020-2019 .
    Posted Nov 5, 2019, 11:54 PM by media csi
  • Untitled Post لەدرێژەی كارو چالاكیەكانی پەیمانگەدا، سوپاس و پێزانین لەلایەن ڕاگرایەتی پەیمانگەوە بەخشرایە لیژنەی پڕكردنەوەی فۆڕمی زانكۆلاین و خزمەت بەخوێندكارانی پۆلی 12 و لە پای جێبەجێكردنی كارەكانیان بەخۆبەخشانەو دڵسۆزانە بەشێوەیەك زۆرترین خوێندكار ...
    Posted Nov 5, 2019, 11:45 PM by media csi
  • Untitled Post زانكۆی پۆلیتەكنیكی سلێمانی پەیمانگەی زانستی کۆمپیوتەر ئاگاداری سەرجەم خوێندكارانی پۆلی 12ی ئامادەیی دەكات کە لیژنەی زانکۆلاین لە پەیمانگە لە پێشوازی خوێندکاراندا دەبێت ئەوانەی كە فۆرمیان پێشكەشكردووە لە رێگەی سیستمی زانكۆلاینەوە ...
    Posted Nov 5, 2019, 10:41 PM by media csi
  • Untitled Post پڕۆژەی بە ئەلیکترۆنیکردنی بەڕێوبەرایەتی بەشەناوخۆییەکانی زانکۆی پۆلۆتەکنیکی سلێمانیلەسەر داوای بەڕێوەبەرایەتی بەشەناوخۆییەكانی زانكۆی پۆلیتەكنیكی سلێمانی بۆ بە ئەلیكترۆنی كردن و ئۆنلاین كردنی بەڕێوەبەرایەتییەكەیان، سێ خوێندكاری دەرچووی بەشی داتابەیس ی پەیمانگای ...
    Posted Nov 5, 2019, 10:39 PM by media csi
  • Untitled Post مامەڵەی وەرگرتن لەزانکۆو پەیمانگاکانتاگ و شەیرهەفتەیەک دوای ناو هاتنەوە دەست پێ دەکا.پێداویستی مامەڵەی وەرگرتنی قوتابی / خوێندکار لە زانکۆ و پەیمانگاکان:1. بڕی شەست هەزار(60000)بۆ دەستپێکی ...
    Posted Nov 5, 2019, 10:34 PM by media csi
Showing posts 1 - 10 of 136. View more »

Events at Computer Science Institute CSI