CSI Events


Untitled Post

posted May 31, 2020, 12:44 AM by media csi

سەرۆكی زانكۆ سوپاسنامەیەك ئاراستەی سەرجەم مامۆستایان و فەرمانبەران دەكات

Untitled Post

posted May 31, 2020, 12:02 AM by media csi

جەژنی ڕەمەزانتان پیرۆزبێت...
ڕۆژوو تاعەتی هەموو لایەكتان قبوڵ بێت


Untitled Post

posted May 31, 2020, 12:00 AM by media csi

بەناوی ڕاگرایەتی پەیمانگەوە سوپاس و دەستخۆشیمان بۆ فەرمانبەرانی هۆبەی باخچەكان لەپەیمانگەی زانستی كۆمپیوتەر لەپای دڵسۆزی خەمخۆری و لەخۆبوردەییان لە خزمەتكردن و ڕازاندنەوەی باخچەكانی پەیمانگەو ڕاپەڕاندنی ئەركەكانیان بەشێوەیەكی دڵسۆزانە، كە لەماوەی ڕابوردوودا سەرەڕای وەستاندنی دەوامی فەرمی لە هەرێمی کوردستان، فەرمانبەرانی باخچەكان بەردەوام بوون لەڕاپەڕاندنی ئەركەكانیان، نموونەیان زۆر بێت.


Untitled Post

posted May 30, 2020, 11:55 PM by media csi

زانكۆی پۆلیتەكنیكی سلێمانی ئامادەكاری بۆ دەستپێكردنەوەی دەوام و ڕێكخستنی وێنەی دەرچوونی خوێندكاران دەكات

Untitled Post

posted May 30, 2020, 11:54 PM by media csi

ئەنجومەنی وەزارەتی خوێندنی باڵا و توێژینەوەى زانستى چەند بڕیارێکى گرنگى دەرکرد



ئەمڕۆ چوارشەمە ڕێکەوتی (٦/٥/٢٠٢٠) ئەنجومەنی وەزارەتی خوێندنی باڵا و توێژینەوەی زانستی بەسەرپەرشتى د. ئارام محمد قادر سەرۆکى ئەنجومەن، ئامادەبونی بریکارى وەزارەت و سەرجەم سەرۆک زانکۆکانى کوردستان، کۆبونەوەی ژمارە (٦)ی ساڵی (٢٠٢٠)ی ئاسایی خۆی ئەنجامدا.

لە کۆبونەوەکەدا پرسی خوێندنی ئەلکترۆنی (پاڵپشتیکار) و دەستپێکردنەوەی خوێندنی ئاسایی نێوکامپەس تاوتوێ کرا، بۆ ئەمەش د. ئارام محمد قادر وەزیری خوێندنی باڵا و توێژینەوەی زانستی تیشکی خستە سەر دوا گۆڕانکارییەکانى ڕەوشی تەندروستی و بارۆدۆخی دارایی هەرێمی کوردستان، لەم سۆنگەیەشەوە ئەنجومەنی وەزارەتی خوێندنی باڵا و توێژینەوەی زانستی جەختی کردەوە کە سەرۆکایەتی ئەنجومەنی وەزیران هەرچی زوە هەمو هەوڵەکانی خۆی بخاتە گەڕ بۆ چارەسەرکردنی پرسی دواکەوتنی موچەی مامۆستایان و فەرمانبەران.

 

دوای تاوتوێکردن و هەڵسەنگاندنی هەمەلایەنەی پرسی خوێندنی ئەلکترۆنی (پاڵپشتیکار) و دەستپێکردنەوەی خوێندنی ئاسایی نێوکامپەس، ئەنجومەنى وەزارەت ئەم بڕیارانەی خوارەوەى دەرکرد:

    1.          ئەگەر بارودۆخی تەندروستی بەم شێوەی ئێستا ڕو لەباش بون بێت، ئەوا پرۆسەی خوێندنی نێوکامپەس لە زانکۆکانی هەرێمی کوردستان و دامەزراوەکانی تری خوێندنی باڵا لە (٣٠/٥/٢٠٢٠) دەست پێ دەکاتەوە.

    2.          خوێندنی ئەلکترۆنی (پاڵپشتیکار) لە ئێستادا بەردەوام دەبێت تاکو دەستپێکردنەوەی خوێندنی نێوکامپەس، و لەدوای ئەوەش پاڵپشت بە خاڵی (٩) لە بڕگەی سێیەمی ماددەی هەژدەیەم لە یاسای ژمارە (١٠)ی ساڵی (٢٠٠٨)، خوێندنی ئەلیکترۆنی هاوشانی خوێندنی ئاسایی نێوکامپەس پەیڕەودەکرێت هاوشێوەی زانکۆ جیهانییەکان و بەمەبەستی دانەبڕانی خوێندکاران و قوتابیان لە سیستمە ستانداردە جیهانییەکان و تەکنەلۆجیای سەردەم.

    3.          ئەنجومەنی وەزارەتی خوێندنی باڵا و توێژینەوەی زانستی ساڵنامەی زانکۆیی بۆ تەواوکردنی پرۆگرامی ساڵی خوێندنی (٢٠١٩-٢٠٢٠) ڕێکخستەوە، هەروەها لە چوارچێوەی سەربەخۆیی کارگێڕێ، زانکۆکان دەسەڵاتیان پێدرا بۆ گونجاندنی ساڵنامەکە لەگەڵ سیستمی خوێندن و تایبەتمەندێتی زانکۆکان.

    4.          بە لەبەرچاوگرتنی ئەو توانا سنوردارەی زانکۆ حکومییەکان، ئەنجومەنی وەزارەتی خوێندنی باڵا و توێژینەوەی زانستی گفتوگۆی لەبارەی پلانی وەرگرتنی خوێندکاران و قوتابیان بۆ ساڵی خوێندنی (٢٠٢٠-٢٠٢١) کرد، هەروەها کۆبونەوەکە بە ووردی تیشکی خستە سەر ئەو ئاڵنگاری و کێشەو گرفتانەی کە دێنە ڕێی زانکۆکان لە خوێندنی ساڵی داهاتودا وەک کەمی هۆڵ و تاقیگە و بەشی ناوخۆیی و توانا ماددی مرۆییەکان و هەروەها لەمپەرەکانی بەردەم سەربەخۆیی دارایی زانکۆکان، بۆ ئەم مەبەستەش کۆبونەوەی داهاتوی ئەنجومەنی وەزارەتی خوێندنی باڵا و توێژینەوەی زانستی تەرخان کرد بۆ پێداچونەوە بە پلانی پێشکەشکراو لەلایەن زانکۆکان و گونجاندنی لەگەڵ ئەو بارودۆخەی هاتۆتە پێشەوە، لە پێناو ڕەخساندنی زۆرترین دەرفەتی خوێندن بۆ قوتابیان و خوێندکارانی پۆلی (١٢)ی ئامادەیی، بۆ ئەمەش ئەنجومەنی وەزارەت جەختی کردەوە کە بەوپەڕی تواناوە وەزارەتمان بەشێک دەبێت لە چارەسەری ئەم پرسە.

سەرجەم بڕیارەکانى کۆبونەوەى ئەمڕۆى ئەنجومەنى وەزارەت سەرجەم زانکۆ و پەیمانگە تایبەتەکانیش دەگرێتەوە

Untitled Post

posted Feb 27, 2020, 1:41 AM by media csi


سیمنارێك بەناونیشانی (Virtualized Remote Laboratory Emulation System) بەڕێوەچوو
لەدرێژەی کارو چالاكیەكانی پەیمانگەی زانستی كۆمپیوتەر، ئەمڕۆ بەرواری ۱9ـ۲ـ۲٠۲٠ کاتژمێر (12) نیوەڕۆ لە هۆڵی م.ڕۆستەم لە پەیمانگەی زانستی كۆمپیوتەر بەئامادە بوونی دکتۆر (ئاراس عمر كریم) ڕاگری پەیمانگەو سەرۆکی بەشە زانستیەكان و ژمارەیەك لە مامۆستایانی پەیمانگە سیمینارێک لەلایەن بەڕێز مامۆستا (ڕێبین ڕێبوار حمەامین) بە ناونیشانی (Virtualized Remote Laboratory Emulation System) پێشكەش كرا، کە تایبەت بوو بە بیرۆکەی دروست کردنی تاقیگەیەکی ئەلکترۆنی ئۆنلاین بە شێوەیەک كە خوێندكاران بتوانن لە ڕێگەی ئینتەرنێتەوە ئەم تاقیگەیە بەکاربهێنن، بەئامانجی پێشكەشكردنی خزمەتی زیاتری ئەكادیمی و زانستی خوێندكاران، لەبەشێكی دیكەی سیمنارەكەدا مامۆستا بەگرنگیەوە چەند شێوازێكی دیكەی دروستكردنی ئەم جۆرە تاقیگەیەی خستەڕوو کە دەکرێت لە داهاتوودا سوودێکی زۆر بگەیەنێت بە هەریەکە لە خوێنکاران و مامۆستایان و توێژەرانی پەیمانگاکەمان.

Untitled Post

posted Feb 27, 2020, 1:30 AM by media csi   [ updated Feb 27, 2020, 1:33 AM ]


سیمنارێكی زانستی دەربارەی ڤایرۆسی كۆرۆنا بەڕێوە چوو

ئەمڕۆ یەك شەممە بەرواری (16/2/2020) کاتژمێر (10) پێش نیوەڕۆ لە هۆڵی م.ڕۆستەم لە پەیمانگەی زانستی كۆمپیوتەر سیمینارێکی زانستی تایبەت بە ڤایرۆسی کۆرۆنا بە ناونیشانی (نەخۆشیە ڤایرۆسیەكان و خۆپاراستن لە نەخۆشی كۆرۆنا) بۆ خوێندكاران و مامۆستایان و فەرمانبەرانی پەیمانگە ئەنجامدا.
بەئامادە بوونی دکتۆر (ئاراس عمر كریم) ڕاگری پەیمانگەو و (م. ملكۆ ڕەزا) یاریدەدەری ڕاگرو سەرۆکی بەشە زانستی و هۆبەکان و فەرمانبەران و خوێندكارانی پەیمانگە سیمینارێک لەلایەن بەڕێز (سروشت فوئاد) لە هۆبەی تەندروستی سەلامەتی تایبەت بە ڤایرۆسی کۆرۆنا و بە ناونیشانی (نەخۆشیە ڤایرۆسیەكان و خۆپاراستن لە نەخۆشی كۆرۆنا) پێشكەشكرا.
سەرەتا بەڕێزیان ئاماژەی دا مەترسیەكانی نەخۆشیە ڤایرۆسیەكان بە شێوەیەكی گشتی بەتایبەتی ڤایرۆسی كۆرۆنا كە یەكێكە لە دەیان جۆرە ڤایرۆسە بەربڵاوانەی ئێستا مرۆڤایەتی دەناڵێنی پێوەی، پاشان زانیاری و ڕێنمایی وورد بەبەشداربووان درا سەبارەت بە چۆنیەتی خۆ پاراستن لەم نەخۆشیە ڤایرۆسیە، دواتر بە شێوەیەكی وردو لە ڕێی داتاوە گرنكیدا بە سەرجەم ڕێگاكانی بڵاو بونەوە ئاكامی خۆپاراستن لەم نەخۆشیە و ڕێگریكردن لە بڵاو بوونەوەی ڤایرۆسەكە لەژێر تازەترین بنەمای ڕێنمایی خۆپاراستنی جیهانی (المنظمة الصحة العالمیة) .

كۆرۆنا ڤایرۆس چییە؟
كۆرۆنا یەكێكە لە دەیان جۆرە ڤایرۆس و لە بەكتریا زۆر جیاوازن، بۆیە بە ئەنتیبایۆتیك ناكوژرێن. پێیدەگوترێت كۆرۆنا، چونكە لەژێر میكرۆسكۆپی ئەلیکترۆنیدا شێوەكەی لە تاج(کۆرۆنا) دەچێت.

كۆرۆنا چەند جۆرێكی هەیە و نەخۆشیی جۆراوجۆر لە مرۆڤ و گیانەوەرانی دیكەدا پەیدادەكەن، ئەوەی ئێستا رەنگە لە گیانلەبەرانی دیكەدا بەربڵاوبووبێت، بەڵام بازی داوەتە نێو مرۆڤ. واتە مرۆڤ یەكەمجارە تووشی دەبێت و هێشتا بەرهەڵستیی سرووشتی لەنێو كۆمەڵگەدا پەیدا نەبووە.

Untitled Post

posted Feb 27, 2020, 1:17 AM by media csi



بەڕێوەبەرایەتی زانستی و خوێندنی باڵا لە سەرۆكایەتی زانكۆی پۆلیتەكنیكی سلێمانی ئاگاداری ئەو خوازیارانە دەكات كە پێشكەشی خوێندنی باڵا ( دكتۆرا، ماستەر، دبلۆمی باڵا )یان كردووەو ناوەکەیان پەسەندکراوە.

رۆژی دووشەممە 2020/2/10 كاتژمێر 11ی سەرلەبەیانی لە هۆڵی تاقیكردنەوەی( IELTS)ی سەنتەری نێودەوڵەتی زمانی ئینگلیزی لە سەرۆكایەتی زانكۆی پۆلیتەكنیكی سلێمانی تاقیكردنەوەی توانستی زانستی ئەنجام دەدرێت.

تێبینی: پێویستە خوازیاران كاتژمێر 10 واتە پێش كاتی تاقیكردنەوە ئامادەبن و كارتی نیشتمانی یان پێناسی (باری شارستانی )یان پێبێت لەگەڵ پێنووسی رەنگی (شین).

ناونیشان: زانكۆی پۆلیتەكنیكی سلێمانی ، قڕگە/ پشت بەنزینخانەی ووڵات ،هۆڵی سیمینارو تاقیكردنەوەكانی ئایەڵتس/ لە سەنتەری نێودەوڵەتی زمانی ئینگلیزی.

Untitled Post

posted Feb 27, 2020, 1:14 AM by media csi

لە كۆرۆنا ناترسین، خۆمان دەپارێزین



Untitled Post

posted Feb 4, 2020, 12:17 AM by media csi


لە درێژەی بەسەركردنەوەكانی بەڕێوەبەرایەتی ڕاگەیاندن و چالاكییەكانی زانكۆی پۆلیتەكنیكی سلێمانی، ئەمڕۆ یەكشەممە 2ی شوباتی 2020 لیژنەی ڕاسپێردراوی بەڕێوەبەرایەتی راگەیاندن و چالاكییەكان كە پێكهاتبون لە ( ئارام بكرعمر- سۆران حەسەن حمەصالح– ڕێگا احمد عبداللە) پەیمانگای تەكنیكی زانستی كۆمپیوتەریان بەسەركردەوەو سەرەتا لەگەڵ د.ئاراس عمر كریم ڕاگری پەیمانگا كۆبونەوەو ئامانجی بەسەركردنەوەكەی بۆ شیكرایەوە كە ئەنجامدانی وۆركشۆپێكی تایبەتە بە بواری ڕاگەیاندن و پێشخستنی ئەو بوارە بەشێوازێكی سەردەمیانەو بەئاگابونیش لە چۆنێتی كاركردنی هۆبەی ڕاگەیاندنی پەیمانگاكە ، ئەویش لای خۆیەوە خۆشحاڵی بەسەردانەكە دەربڕی و بەگرنگی زانی ئەو جۆرە سەردانانە و ئەنجامدانی وۆركشۆپانە بەردەوامی هەبێت لەپێناو ڕەخساندنی هەلی پێویست لە نوێكردنەوەی كارو چالاكییەكان و ڕونكردنەوەی ئەو هەنگاوانەی كە پێویستە لەداهاتودا بنرێت چونكە ڕاگەیاندن چاوی هەموو دەزگاو ناوەندێكەو لەو سۆنگەیەوە دەتوانرێتپەیمانگاكەو ئاستی زانستی و ئامانجەكانی بە خەڵك ڕابگەیەنرێت .

ئارام بكر بەڕێوەبەری بەڕێوەبەرایەتی ڕاگەیاندن و چالاكییەكان لەسەرۆكایەتی زانكۆی پۆلیتەكنیكی سلێمانی وۆركشۆپێكی بۆ ژمارەیەكی بەرچاو لە مامۆستایان و خوێندكاران و فەرمانبەرانی زانكۆ ڕێكخست لەسەر گرنگی ڕاگەیاندن و برەودان بە بواری سۆشیال میدیاو ڕوماڵكردنی چالاكییە جۆراو جۆرەكانی پەیمانگاكە بەتایبەتی كارو چالاكی خوێندكاران كە لەچوارچێوەی كاروباری زانستی و ئەكادیمی خوێندكاران و مامۆستایان بەڕێوەبچێت . هەروەها باسی لە چۆنێتی بەرەو پێشبردنی ئیش و كارەكانی هۆبەی ڕاگەیاندن و چالاكییەكانی پەیمانگای تەكنیكی زانستی كۆمپیوتەر كرد كە و دەستخۆشی لێكردن بە كاروچالاكییەكانیان و ڕایگەیاند هەوڵ بدرێت زۆرترین چالاكی خوێندكاران دەربخرێت و لەو ڕێگەیەشەوە هانی سەرجەم بەشەكان بدرێت كە كاری زانستی ناوازە ئەنجام بدەن كە ئەوەش ئامانجی سەرەكی زانكۆیە.
بەرزان حاتەم لێپرسراوی هۆبەی ڕاگەیاندن و چالاكییەكانی پەیمانگای تەكنیكی زانستی كۆمپیوتەر سوپاسی سازدان و بەڕێوەبردنی وۆركشۆپەكەی كرد و ڕایگەیاند بەهەموو توانایەكمانەوە كارمان كردوەو دەیكەین بۆ دەرخستنی تواناو لێهاتوییەكانی خوێندكاران بەتایبەتی و پەیمانگاكەمان بەگشتی ، وە ووتی ئەم جۆرە سەردان و بەسەركردنەوانەش زیاتر هانمان دەدات كە چالاكییەكانمان زیاتر فراوانتر بكەین و خۆمان ئامادەبكەین بۆ كارو چالاكی زیاتر.

لەكۆتاییدا لیژنەكە هۆبەی ڕاگەیاندنیان بەسەركردەوەو چەندین ڕێنمایی پێویستیان پێشكەشكردن لەسەر بەڕێوەچوونی ئیش و كارەكانی داهاتویان لەكەم و كوڕییان كۆڵرایەوەو بەڵێن درا هەرچییەكیان پێبكرێت بۆیان ئەنجام بدەن لە گرفت و داواكارییەكانیان تا كاری جوان باش ئەنجام بدرێت .

.

1-10 of 162