Untitled Post
Post date: Mar 13, 2018 8:30:56 AM
چۆنێتی خۆ ئامادەكردن بۆ كار
سەر لەبەیانی ئەمڕۆ ۲٠۱۸/۳/۳ لە هۆڵی م. ڕۆستم لە پەیمانگەی زانستی كۆمپیوتەر سمینارێك ڕێكخرا لە ژێر ناونیشانی (چۆنێتی خۆ ئامادەكردن بۆ كار ) بۆ مامۆستا ( سەركۆ هاوڕێ محمد ) لە بەشی ئایتی .
سەرەتا مامۆستا سەركۆ بەدرێژی و بەوردی و بەشێوەیەكی زانستی شیكردنەوەی كرد بۆ دروست كردنی (سی ڤی) و ئامانج لە دروستكردنی كە كورتەیەكە لە ژیانمان بەكاری ئەهێنین بۆ دەرخستنی كارامەی و ئەزموونەكانەكان بەشێوەیەكی ئەكادمیانە و گونجاو , وە گرنگی (Hard skills و soft skills) لە دەست کەوتنی کاردا و وەچۆنییەتی ئامادەكردن و پڕكردنەوەی سی ڤی بەشێوەی گونجاو تاخوێندكاران بتوانن چاوپێکەوتن مسۆگەر بکەن و کاری باش بەدەست بھێنن ، وە دواتریش کە ھەنگاوی چاوپێکەوتنە و ھەموو ئەو بابەتانەی ڕونکردەوە کە گرنگن لەکاتی چاوپێکەوتن و گاریگەریان ھەیە لە بەدەست ھێنانی کارێکی باش.
دواتر جەختی كردەوە لە جێبەجێ كردنی ئەم خاڵانەی خوارەوە تا خوێندکاران بەو ئامەنجە بگەن کە ھەیانە بۆ دەسکەوتنی کارێکی باش :
*ئامانج لە نووسینی سی ڤی چییە ؟
*بۆچی گرنگە سی ڤی مان هەبێت ؟
*خاوەنكار چی لەتۆ ئەوێت ؟
*ئەوزانیاریانەی پێویستە لە سی ڤی دا هەبێت .
*چۆن سیڤیەكەم بنوسم ؟
*چاوپێكەوتن .
*ئەكارانەی پێش چاوپێكەوتن ئەنجامی بدەین .
*ئەوكارانەی كەنابێت بكرێت و بوێریت لەكاتی چاوپێكەوتن.